好幾個月冇update過呢度, 有幾次想但唔知講乜好, 難得今日真係病到返唔到工....真係病到發燒....真係要請病假....

本來尋日已經想請假架啦, 不過諗到公司冇人頂我d野, 唯有返多日啦, 結果放工返到屋企就知"賴"野, 開始出冷汗, 頭痛得黎又wing wing地啦....結果漫漫長夜就咁捱過.

今朝起身仲早過平時返工, 因為一定要去睇醫生(拎假紙嘛...XDDD), 訓醒精神好返少少啦, 不過仲未退燒, 於是山長水遠搭車去返以前住個邊睇, 結果pat pat俾人拮左一針, 另外拎左6大包藥....睇完醫生去左媽咪屋企涼返個熱水涼....舒服晒!

因為公司今日冇人鎖門, 變左我又一定要先返屋企拎key, 再返公司....唉~邊有人請左假都仲要返工...結果返得公司就當然會做埋d手尾啦, 於是又係公司逗留左兩粒半鐘....

仲有上個禮拜屋企個熱水爐唔知搞乜用唔到, 一開電掣就跳, 俾左$200人check, 話係條電線出問題喎, 要重新拉線(報價收$900, 咪搞我)....今日終於搵到個業主啦(上個week去左泰國玩, 今日又係大陸未返), 佢話要過兩日先返香港, 到時幫我整喎.....大佬, 大大話話我都成兩個禮拜冇熱水涼沖....都唔知係咪咁整鬼病自己....

一口氣講左咁多野, 好似開始有d語無倫次咁, 都係早d抖算啦~